murgh-e-jan ko zulf-e-pechan jaal hai
jaal kya ai jan-e-jan janjal hai
aao hazir sar pa.e pamal hai
jaan lab par bahr-e-istiqbal hai
ḳhaak ho sarsabz tuḳhm-e-ashiqi
hai zamin aas asman ghirbal hai
husn yusuf ka bika bazar men
ishq ka ra.il ke iqbal hai
jo mire lab par hua hasrat ka ḳhuun
vo buḳhar-e-shauq ka tabḳhal hai
bolta hai aj-kal tuuti mira
ghair ki galti vahan kab daal hai
fauj-e-ḳhat aati hai ai sultan-e-husn
mulk-e-ruḳh se tera istisal hai
hai nikalti baat un ki baat se
chaal vo chalte hain jis men jaal hai
kya likhun vasf achchhi surat ka ‘vaqar’
jins-e-naqis ke liye dallal hai
Leave a Reply