mujrim-e-ishq talabgar-e-muafi to nahin
sirf gham chahta hai gham ki talafi to nahin
soch le ye bhi har ummid se pahle ai dil
ye sahara tiri ghairat ke munafi to nahin
rone vaale ye nadamat bhi ghanimat hai magar
sirf do ashk gunahon ki talafi to nahin
zarf-e-mai-kash pe nazar chahiye saaqi tujh ko
ek do jaam ghanimat sahi kaafi to nahin
abhi ilzam-e-taghaful na de un ko ai dil
sham-e-va.ada sahar-e-va.ada-ḳhilafi to nahin
Leave a Reply