Mujhe Wo shaKHs Qalandar Dikhai Deta Hai

mujhe vo shaḳhs qalandar dikhā.ī detā hai

jo mere ḳhvāb ke andar dikhā.ī detā hai

ye lag rahā hai mirā shahr chhoḌ jā.egā

vo āj-kal mujhe aksar dikhā.ī detā hai

to kyā ye maan luuñ maiñ āsmāñ se uupar huuñ

har ik sitāra zamīñ par dikhā.ī detā hai

jo sāmne hai sarīhan nazar kā hai dhoka

vo hai nahīñ jo barābar dikhā.ī detā hai

tumhārī aañkh meñ dekhā hai sab ne dasht magar

mujhe to un meñ samundar dikhā.ī detā hai

Leave a Comment