mujh pe ilzam dhar gaya dekho
aankh ashkon se bhar gaya dekho
koi raushan zamir tha shayad
aur andheron men mar gaya dekho
jis ne rakkha tha sar hatheli par
vo bhi duniya se Dar gaya dekho
dil ko kitna sambhal rakkha tha
us ko DhunDo kidhar gaya dekho
kis qadar ajnabi sa lagta hai
baad muddat ke ghar gaya dekho
mujh ko ‘da.em’ yaqin se bichhḌe
ek arsa guzar gaya dekho
Leave a Reply