asrarul-haq-majaz

Aashiqi Jaan-Faza Bhi Hoti Hai

ashiqi jan-faza bhi hoti hai

aur sabr-azma bhi hoti hai

ruuh hoti hai kaif-parvar bhi

aur dard-ashna bhi hoti hai

husn ko kar na de ye sharminda

ishq se ye khata bhi hoti hai

ban gai rasm bada-khvari bhi

ye namaz ab qaza bhi hoti hai

jis ko kahte hain nala-e-barham

saaz men vo sada bhi hoti hai

kya bata do ‘majaz’ ki duniya

kuchh haqiqat-numa bhi hoti hai

More Poems

Leave a Comment