kis pe qurban kise yaad hue the ham bhi
yaad itna hai ki barbad hue the ham bhi
un dinon bhi the kahan ma.ani-o-alfaz baham
lab-e-ḳhamosh se irshad hue the ham bhi
ab to divar pe likkhe hain ka.i naam na.e
is hasin shahr ki rudad hue the ham bhi
tha vahan peḌ na paani na parinda koi
kis jale dasht men abad hue the ham bhi
ham nahin aise ki ab jashn mana.en jhuTe
avval avval to bahut shaad hue the ham bhi
le ga.e saare par-o-bal uḌa kar kargas
yaad aata hai ki azad hue the ham bhi
Leave a Reply