mujh par aisi jafa ki kasrat ki
ki use ghair ne malamat ki
tum ko apne khiram se matlab
thokaren khaae koi qismat ki
vaada-e-vasl-e-subh us se karo
kat sake jis se raat furqat ki
apni bedad ko nahin kahte
meri fariyad ki shikayat ki
ab kahan huur khuld men vaaiz
tu ne barbad yuun hi mehnat ki
hain jo duniya ki ye pari-zaden
yahi huren banengi jannat ki
tark-e-ishq aur main ghalat ‘salik’
kaun roke zaban khilqat ki
Leave a Reply