ai siyah-fam hasina tira uryan paikar
kitni pathrai hui ankhon men ghaltida hai
jaane kis daur-e-alama-nak se le kar ab tak
tu kade vaqt ke zindanon men khvabida hai
tere sab rang hayule ke ye be-jan nuqush
jaise marbut khayalat ke tane-bane
ye tiri sanvli rangat ye pareshan khutut
barha jaise mitaya ho inhen duniya ne
resha-e-sang se khinchi hui zulfen jaise
raste sina-e-kohsar pe bal khate hain
abruon ki jhuki mehrabon men jamid palken
jis tarah tiir kamanon men ulajh jaate hain
munjamid honton pe sannaton ka sangin tilism
jaise nayab khazanon pe kade pahre hon
tund jazbat se bharpur barahna siina
jaise sustane ko tufan zara thahre hon
jaise yunan ke maghrur khuda-vandon ne
regazaran-e-habsh ki kisi shahzadi ko
tishna ruhon ke havasnak taayyush ke liye
hajla-e-sang men paband bana rakkha ho
Leave a Reply