dua-ali

Mohabbat To Dua Hai

mohabbat bhiik men hargiz nahin milti

mohabbat daan bhi koi nahin karta

ki ye khairat hoti hai

mohabbat to mohabbat hai

ye khushbu ki tarah ka koi saath hota hai

koi ehsas hota

kisi ke haath men jaise kisi ka haath hota hai

mohabbat to faqat sanson men basti hai

kahin dil ke nihan-khanon men palti hai

mohabbat ka jo rasta hai bahut dushvar hota hai

bahut pur-khar hota

mohabbat pyaas hai shayad

kabhi bhi jo nahin bujhti

mohabbat bhiik men hargiz nahin milti

More Poems

Leave a Comment