mohabbat munh pe karna aur dil men bevafai hai
ye aina yahan kahta hai kaisi ashnai hai
bhala bosa ham us se aaj mangenge kisi dhab se
tavaqqo to nahin lekin ye taale azmai hai
muhibbon ko karen hain qatl dushman ko jalate hain
buton ki bhi miyan sahib nirali hi khudai hai
ajaib rasm hai un dilbaran-e-dahr ki ya rab
kisi ke saath ja sona kahin saai badhai hai
ye ashiq apne apne ashk ko tufan kahte hain
jo sach puchho to ye ganga hamari hi khudai hai
ilahi kya banegi saath mere shaikh-o-vaiz ko
idhar rindi sharabi hai udhar ko parsai hai
nahin ye abr-o-baran ‘soz’ ke ahval ko sun kar
falak ki bhi mohabbat se ye ab chhati bhar aai hai