Mizaj-E-Shauq Mein Mamuriyat Ka Azm Bhi Ho

mizāj-e-shauq meñ māmūriyat kā azm bhī ho

faqat sukūn nahīñ zindagī meñ razm bhī ho

shab-e-aḳhīr charāġhoñ kī lau bujhe to vahāñ

sadā-e-lā se munavvar tumhārī bazm bhī ho

hayāt maut hai andāz-e-haidarī ke baġhair

satīza-gāh meñ harf-e-junūñ pe jazm bhī ho

ba-ma.a shu.ūr-o-irāda-o-justujū-o-ḳhirām

tire nisāb meñ ‘naqqāsh’ bāb-e-hazm bhī ho

Leave a Comment