Mizaj Apne Kahan Aaj Hain Thikane Par

mizāj apne kahāñ aaj haiñ Thikāne par

huzūr aa.e haiñ mere ġharīb-ḳhāne par

pighal rahī hai musalsal jo barf āñkhoñ se

ajiib dhuup hai palkoñ ke shāmiyāne par

na jaane aa ga.e kyuuñ us kī aañkh meñ aañsū

jo hañs rahā thā mire dard ke fasāne par

zarā sī samt badal lī jo apnī marzī se

to naav aa ga.ī tūfān ke nishāne par

ḳhudā bachā ke rakhe ‘mīnā’ us ghaḌī se hameñ

ki baat Thahre kabhī us ke āzmāne par

Leave a Comment