mizaj apne kahan aaj hain Thikane par
huzur aa.e hain mere gharib-ḳhane par
pighal rahi hai musalsal jo barf ankhon se
ajiib dhuup hai palkon ke shamiyane par
na jaane aa ga.e kyuun us ki aankh men aansu
jo hans raha tha mire dard ke fasane par
zara si samt badal li jo apni marzi se
to naav aa ga.i tufan ke nishane par
ḳhuda bacha ke rakhe ‘mina’ us ghaḌi se hamen
ki baat Thahre kabhi us ke azmane par
Leave a Reply