milne ka imkan bana.e baiThe ho
kis ko dil aur jaan bana.e baiThe ho
barsin aḳhir barish jaise kyon ankhen
tum badal mehman bana.e baiThe ho
dasht ki ḳhaak sameTi main ne palkon se
ghar apna dalan bana.e baiThe ho
kis ke aane ki ummid men aḳhir yuun
raste ko gul-dan bana.e baiThe ho
kaun kisi ki yaad bhula.i jaane ko
tum angan shamshan bana.e baiThe ho
qasmen va.ade jhuTe jis ki ḳhatir tum
dil apna viran bana.e baiThe ho
tanha tanha rahte ho ‘asim’ ‘tanha’
ye kaisi pahchan bana.e baiThe ho
Leave a Reply