Poet
mehr jab tak halqa-e-afaq men aaya na tha
tirgi hi mo’atabar hogi kabhi socha na tha
zindagi ke shahr men muda-dili taqdir thi
jo bhi jan-e-bazm tha us ka koi chehra na tha
pyaas ko aane laga tha hukmarani ka hunar
abr ka TukḌa kisi ko yaad bhi aata na tha
is se pahle aisi shiddat to andhere men na thi
raushni ka harf honTon se juda hota na tha
din the lekin inqalab aane se pahle ke the din
phuul abhi mahka na tha patthar abhi bola na tha
dukh ke suraj ko sava neze pe ‘bedi’ dekh kar
ḳhvab sukh ke dekhta tha aadmi andha na tha
Leave a Reply