mila unhen bhi maza dil pe choT khane ka
irada rakhte the jo ham ko azmane ka
vo aa ga.e to dar-o-bam se kiran phuTi
nasib jaag uTha is gharib-ḳhane ka
unhen ḳhuda na kare sharmsar hona ho
hamen malal nahin kuchh fareb khane ka
na ah-e-nim-shabi kuchh na nala-e-sahari
unhen to uzr koi chahiye satane ka
miTen to kaise miTen husn-o-ishq ke jhagḌe
na vo badalne ke na dil hi baaz aane ka
Leave a Reply