Saeed Shahidi
mila hai jabr men bhi utna iḳhtiyar mujhe
jo be-qarar hua aa gaya qarar mujhe
na fasl-e-gul ki ḳhata hai na badalon ka qusur
tiri nazar ne banaya hai bada-ḳhvar mujhe
basa hai ruuh ke pardon men aaj tak vo surur
pukar phir usi andaz se pukar mujhe
main phir qafas men huun phir aa.i hai chaman men bahar
phir ab ke yaad karegi mujhe bahar mujhe
uTha raha huun sar-e-tur ḳhaak ke zarre
mile hain ye tire jalve ke parda-dar mujhe
ḳhata muaaf agar ho to ek baat kahun
tire karam ne banaya gunahgar mujhe
kisi ki ḳhaak pe sajde kiye jo main ne ‘sa.id’
ata hua hai do-alam pe iftiḳhar mujhe
Leave a Reply