mila-dila sahi ik ḳhushk haar baaqi hai
abhi bahar-e-shikast-e-bahar baaqi hai
nazar sanvar chuki kitne a.ina-ḳhane
usi tarah havas-e-did-e-yar baaqi hai
bichhauna kanTon ka hai phir bhi aa.i jaati hai niind
abhi tasavvur-e-zanu-e-yar baaqi hai
shikast-e-ahd ke kyuun hon na silsile qaa.em
ik aasra pas-e-har-e’tibar baaqi hai
qafas men fursat-e-fikr-e-chaman-taraz kahan
yahi bahut hai ḳhayal-e-bahar baaqi hai
vo ankhen bhi khulin badli jo vaqt ne karvaT
idhar nahin ab idhar intizar baaqi hai
ye ruh-o-tan ki juda.i ka marsiya kab tak
vahi do-rangi-e-lail-o-nahar baaqi hai
chaman to nim-nigahi ne kar diya taqsim
ḳhuda-e-vaqt koi aur vaar baaqi hai
‘siraj’ ab bhi ye aqlim-e-rang-o-bu hai bahut
luTi-luTa.i hui jo bahar baaqi hai
Leave a Reply