bashir-badr

Meri Nazar Mein Khak Tere Aaine Pe Gard Hai

miri nazar men khaak tere aaine pe gard hai

ye chand kitna zard hai ye raat kitni sard hai

kabhi kabhi to yuun laga ki ham sabhi machine hain

tamam shahar men na koi zan na koi mard hai

khuda ki nazmon ki kitab saari kaenat hai

ghazal ke sher ki tarah har ek fard fard hai

hayat aaj bhi kaniz hai huzur-e-jabr men

jo zindagi ko jiit le vo zindagi ka mard hai

ise tabarruk-e-hayat kah ke palkon par rakhun

agar mujhe yaqin ho ye raste ki gard hai

vo jin ke zikr se ragon men daudti thiin bijliyan

unhin ka haath ham ne chhu ke dekha kitna sard hai

More Poems

Leave a Comment