miri nazar ki tarah dil parind ojhal hai
har ek ḳhvab ka hasil parind ojhal hai
shajar jo kah na sake asman vahi sun le
yaqin hai vahm ki manzil parind ojhal hai
shafaq shafaq vahi surḳhi uḌaan ki ta.abir
ufuq ufuq vahi mahfil parind ojhal hai
sada men samt nahin bazgasht la-mahdud
safar ki shart men shamil parind ojhal hai
bhanvar ka kaam jazire ko varghalana tha
dhuan dhuan lab-e-sahil parind ojhal hai
Leave a Reply