meri har fikr har ik soch ka mehvar tu hai
bas gaya hai miri ankhon men jo manzar tu hai
ye jo raqsan hai rag-o-pai men lahu ki manind
ye koi aur nahin mere sitamgar tu hai
main kahan zaat men apni huun magar hazz-e-qalil
mujh men ai jan-e-tamanna miri aksar tu hai
jism par ḳhaar libason se chhila jaata hai
aa mire dost mujhe maḳhmalin astar tu hai
char-su DhunDhti phirti hain nigahen tujh ko
mujh ko avaz de kis ja mire dilbar tu hai
chahaten teri kisi aur se mansub rahen
phir mujhe kyon hai guman mera muqaddar tu hai
jaane vaale ko kahan rok saka hai koi
itna ranjida bhala kis liye ‘anvar’ tu hai
Leave a Reply