mere murshid ho peshva ho tum
meri surat men mudda.a ho tum
DhunDhe paata nahin tumhen har shaḳhs
par sabhon men ḳhala-mala ho tum
ma.ani-e-mustafa tumhin to ho
kashif-e-sirr-e-la-makan ho tum
jaan bhi ho dil ho jumbish-e-a.aza
buud ho kal miri baqa ho tum
jab tumhin tum ho har ada meri
phir bhala mujh se kab juda ho tum
har jagah jab tumhin ho ghair nahin
donon aalam men barmala ho tum
‘shah-e-mardan-e-safi’ se sun lo saaf
jis ko the DhunDte dila ho tum
Leave a Reply