Sufi

Mere Din Ki Tarah Raushan Meri Har Raat Hoti Hai

mire din ki tarah raushan miri har raat hoti hai

dua maan ki har ik mausam men mere saath hoti hai

ajab dastur hai ik ye bhi iz.har-e-mohabbat ka

zaban khamosh rahti hai nazar se baat hoti hai

talash-e-rizq men jab bhi kabhi ghar se nikalta huun

mire hamrah paiham gardish-e-halat hoti hai

bhala ilzam koi dushmani par kya rakha jaae

ki ab to dosti hi bais-e-sadmat hoti hai

rahun main koi aalam koi halat men magar ‘sahil’

mire pesh-e-nazar to bas khuda ki zaat hoti hai

More Poems

Leave a Comment