Mera Ji Hai Jab Tak Teri Justuju Hai

mira ji hai jab tak tiri justuju hai

zaban jab talak hai yahi guftugu hai

khuda jaane kya hoga anjam is ka

main be-sabr itna huun vo tund-khu hai

tamanna tiri hai agar hai tamanna

tiri aarzu hai agar aarzu hai

kiya sair sab ham ne gulzar-e-duniya

gul-e-dosti men ajab rang-o-bu hai

ghanimat hai ye diid va did-e-yaran

jahan aankh mund gai na main huun na tu hai

nazar mere dil ki padi ‘dard’ kis par

jidhar dekhta huun vahi ru-ba-ru hai

Leave a Comment