Nuzhat Abbasi
melon men ghumte rahe tanha.i bech di
phir yuun hua ki chashm-e-tamasha.i bech di
sauda kabhi ḳhasare ka us ne kiya nahin
shohrat ḳharid li kabhi rusva.i beach di
be-nam se ta.alluq-e-ḳhatir ke vaste
ik ajnabi ke haath shanasa.i bech di
achchha kiya ki garmi-e-bazar dekh kar
unche lage jo daam to goya.i bech di
ab bandish-e-nigah ki qimat bahut baḌhi
logon ne ja ke apni hi bina.i bech di
da.ave tumhare ishq ke batil hue sabhi
paanv ke zaḳhm dasht ki pahna.i bech di
ab jan-ba-lab hain shahr ke bimar be-shumar
zar ki havas men sab ne masiha.i bech di
Leave a Reply