Maut Ki Talashi Mat Lo

Sara Shagufta

badalon men hi meri to barish mar gai

abhi abhi bahut khush libas tha vo

meri khata kar baitha

koi jaae to chali jaun

koi aae to rukhsat ho jaun

mere hathon men koi dil mar gaya hai

maut ki talashi mat lo

insan se pahle maut zinda thi

tutne vaale zamin par rah gae

main ped se gira saaya huun

avaz se pahle ghat nahin sakti

meri ankhon men koi dil mar gaya hai…