A G Josh
maut bhi meri dastaras men nahin
aur jiina bhi apne bas men nahin
aag bhadke to kis tarah bhadke
ik sharar bhi to khar-o-khas men nahin
qatl-o-gharat khuli faza ka nasib
aisa khatra koi qafas men nahin
kya sune koi dastan-e-vafa
farq ab ishq aur havas men nahin
zulm ke samne ho sina-sipar
hausla itna ham-nafas men nahin
‘josh’ vo jo kahen karo taslim
faeda kuchh bhi pesh-o-pas men nahin
Leave a Reply