Maut Apni Jaan Ai Dil Gardish-E-Aflak Ko

maut apni jaan ai dil gardish-e-aflak ko

Dubne ka khauf hai girdab men tairak ko

khud khajil ho jis ko raushan-dil se ho nahaq ghubar

munh pe padti hai jo munh par phenkte hain khaak ko

mar gae par bhi tah-o-bala raha apna ghubar

shisha-e-saat men rakhte hain hamari khaak ko

basta-e-fitrak hote hain hazaron bulbulen

jaan kar bab-e-gulistan halqa-e-fitrak ko

kya ajab gar ustukhvan raushan hon dagh-e-ishq se

ik sharar shola banata hai khas-o-khashak ko

khuub sa ji khol kar avara kar ai ishq-e-yar

khauf-e-rusvai nahin aslan dil-e-bebak ko

hijr men piita huun khun-e-dil mai-e-gulgun ki rang

daur-e-saghar janta huun gardish-e-aflak ko

kya nahin tazir milti hai gunah-e-ishq ki

atish-e-furqat jahannam hai dil-e-ghamnak ko

kijiye naale ba-rang-e-bulbul ai dil gar kabhi

tukde tukde misl-e-gul kar le teri poshak ko

raund Daala hai zamin-e-sher se ta-charkh-e-fikr

rok le ‘arsh’ ab inan-e-tausan-e-chalak ko

Leave a Comment