Masala Ye to Nahin Ki Sin-Rasida Kaun Tha

mas.ala ye to nahīñ ki sin-rasīdā kaun thā

haañ magar mahfil meñ terī barguzīda kaun thā

faislā jis kā bhī thā terā nahīñ merā sahī

vaqt-e-ruḳhsat sar jhukā.e āb-dīda kaun thā

ek qatre kī talab aur thā samundar sāmne

bazm-e-yārāñ meñ bhalā vo bad-aqīda kaun thā

tum bhī the sarshār maiñ bhī ġharq-e-bahr-e-rañg-o-bū

phir bhalā donoñ meñ āḳhir ḳhud-kashīda kaun thā

Leave a Comment