marg-e-ashiq par farishta maut ka badnam tha
vo hansi roke hue baiTha tha jis ka kaam tha
ḳhun-e-nahaq se mukarne ka kahan hangam tha
tiir jitne dil se nikle sab par un ka naam tha
kya bata.i jaa.en sham-e-hijr ki majburiyan
dil hamara tha na ham dil ke ajab hangam tha
hijr ki do karvaTon ne kar diya qissa tamam
dard-e-dil aghaz tha dard-e-jigar anjam tha
aise vaqton men kaleja gham se ho jaata hai shaq
sabr apne dil ki mayyat par hamara kaam tha
ahl-e-mahshar dekh luun qatil ko to pahchan luun
bholi bholi shakl thi aur kuchh bhala sa saam tha
ab koi divana kahta hai koi vahshi mujhe
aap ki ulfat se pahle mera ‘manzar’ naam tha
Leave a Reply