Hasan Rizvi
main ne us ko barf dinon men dekha tha
us ka chehra suraj jaisa lagta tha
yuun bhi nazren aapas men mil leti thiin
vo bhi pahron chand ko takta rahta tha
vo galiyan vo raste kitne achchhe the
jab vo nange paanv ghuma karta tha
charon-janib us ki ḳhushbu bikhri thi
hijr ka ik mausam bhi us ke jaisa tha
duur kahin avaz ke ghunghru bajte the
aur main kaan laga.e sunta rahta tha
sabz ruton men aksar mujh ko yaad aaya
us ne ḳhat men sukha patta bheja tha
Leave a Reply