main ne sirf apne nasheman ko sajaya saal bhar
fasl-e-gul bhi is liye aa.i hai ab ke Daal bhar
bad-gumani aa.i to le ja.egi rishte tamam
dekhna niklegi in shishon ki hasti baal bhar
vo zamana Thiik tha iman laane ke liye
haidar-e-karrar bhar ḳhair aur shar dajjal bhar
aaj meri arz par zulfen agar kholega vo
kal hasad ki aag men jal ja.ega bangal bhar
kar diya chak-e-gareban ne tujhe bhi mo’atabar
chal divane tu bhi ab jeb-e-junun men maal bhar
sajda bhar iman baaqi rah gaya hai shaiḳh ka
aur aqidat-e-barahman ki rah ga.i hai thaal bhar
nek-o-bad ki kashmakash men hain kiraman-katibin
chal ‘shuja’ ab ḳhud hi apna nama-e-a.amal bhar
Leave a Reply