Abid Malik
main ne logon ko na logon ne mujhe dekha tha
sirf us raat andheron ne mujhe dekha tha
puchhta phirta huun main apna pata jangal se
akhiri baar darakhton ne mujhe dekha tha
yunhi in ankhon men rahti nahin surat meri
akhir us shakhs ke khvabon ne mujhe dekha tha
is liye kuchh bhi saliqe se nahin kar paata
ghar men bikhri hui chizon ne mujhe dekha tha
dubte vaqt bachane nahin aae lekin
yahi kaafi hai ki apnon ne mujhe dekha tha
Leave a Reply