Salman Akhtar
main tujh se laakh bichhaḌ kar yahan vahan jaata
miri jabin se sajdon ka kab nishan jaata
zamin mujh ko samajhti na asman koi
gunahgar hi kahlata main jahan jaata
nasib se to mile the faqat ye ḳhali haath
faraḳh-dil vo na hota to main kahan jaata
mujhe ḳhabar na thi is ghar men kitne kamre hain
main kaise le ke vahan saari dastan jaata
main ek guunj ki manind lauTta us tak
jahan se mujh ko bulata main bas vahan jaata
Leave a Reply