main to saaya huun ghaTaon se utarne vaala
hai koi pyaas ke sahra se guzarne vaala
tu samajhta hai mujhe harf-e-mukarrar lekin
main sahifa huun tire dil pe utarne vaala
tu mujhe apni hi avaz ka paband na kar
main to naghma huun fazaon men bikharne vaala
ai badalte hue mausam ke gurezan paikar
aks de ja koi ankhon men Thaharne vaala
main huun divar pe likkha hua kab se lekin
koi paḌhta nahin raste se guzarne vaala
ja raha hai tire honTon ki tamanna le kar
zindagi-bhar tiri avaz pe marne vaala
Leave a Reply