Main to Main Ghair Ko Marne Se Ab Inkar Nahin

Altaf Hussain Hali

main to main ghair ko marne se ab inkar nahin

ik qayamat hai tire haath men talvar nahin

kuchh pata manzil-e-maqsud ka paaya ham ne

jab ye jaana ki hamen taqat-e-raftar nahin

chashm-e-bad-dur bahut phirte hain aghyar ke saath

ghairat-e-ishq se ab tak vo ḳhabar-dar nahin

ho chuka naaz uThane men hai go kaam tamam

lillahil-hamd ki baham koi takrar nahin

muddaton rashk ne aghyar se milne na diya

dil ne aḳhir ye diya hukm ki kuchh aar nahin

asl maqsud ka har chiiz men milta hai pata

varna ham aur kisi shai ke talabgar nahin

baat jo dil men chhupate nahin banti ‘hali’

saḳht mushkil hai ki vo qabil-e-iz.har nahin