main so raha tha aur koi bedar mujh men tha
shayad abhi talak mira pindar mujh men tha
vo kaj-ada sahi miri pahchan bhi tha vo
apne nashe men mast jo fankar mujh men tha
main ḳhud ko bhulta bhi to kis tarah bhulta
ik shaḳhs tha ki a.ina-bardar mujh men tha
shayad isi sabab se tavazun sa mujh men hai
ik mohtasib liye hue talvar mujh men tha
apne kisi amal pe nadamat nahin mujhe
tha nek-dil bahut jo gunahgar mujh men tha
Leave a Reply