Main Nahin Rota Hun Ab Ye Aankh Roti Hai Mujhe

maiñ nahīñ rotā huuñ ab ye aañkh rotī hai mujhe

rotī hai aur sar se paañv tak bhigotī hai mujhe

bad-duā hai jaane kis kī yaad kī jo har ghaḌī

har guzishta lamhe se vahshat sī hotī hai mujhe

mumkina had tak maiñ apnī dastaras meñ huuñ magar

pichhle kuchh din se koī shai mujh meñ khotī hai mujhe

mutma.in thā din ke bikhrāv se maiñ lekin ye raat

dāna-dāna phir ajab Dhab se pirotī hai mujhe

maiñ bahut mashshāq ik tairāk thā lekin vo aañkh

dekh ab ma.a-kashtī-e-jāñ ke Dubotī hai mujhe

Leave a Comment