main bhi kya zabt azmata huun
tauba karta huun bhuul jaata huun
gham sa rahta huun tujh se duuri men
aur qurbat men kho sa jaata huun
apni hasti ki azmaten aksar
inkisari se jhuk ke paata huun
kyuun muqayyad huun zaat men apni
jabki duniya se dil lagata huun
us ki zulfon ko ab ke suljha kar
khud ko uljha hua sa paata huun
jaane vaale ko ye nahin maalum
main tasavvur men us ko laata huun
gham-gusari men dost ki ‘adil’
ranj sahta huun muskurata huun
Leave a Reply