Poet
mai-kasho jaan ke laale nazar aate hain mujhe
ḳhali ḳhali se piyale nazar aate hain mujhe
zehn insan ne tarashe hain jo yazdan ke ḳhilaf
saare be-jan havale nazar aate hain mujhe
vaqt-e-raftar chhalakte hue ye rup-kalas
chalte phirte se shivale nazar aate hain mujhe
hai havason pe shab-e-hijr ka is darja asar
sub.h ke rang bhi kaale nazar aate hain mujhe
tere ash.ar bhi shadab buton ke manind
naz-o-andaz ke paale nazar aate hain mujhe
Leave a Reply