Mai-Kasho Jaan Ke Lale Nazar Aate Hain Mujhe

mai-kasho jaan ke laale nazar aate haiñ mujhe

ḳhālī ḳhālī se piyāle nazar aate haiñ mujhe

zehn insāñ ne tarāshe haiñ jo yazdāñ ke ḳhilāf

saare be-jān havāle nazar aate haiñ mujhe

vaqt-e-raftār chhalakte hue ye rūp-kalas

chalte phirte se shivāle nazar aate haiñ mujhe

hai havāsoñ pe shab-e-hijr kā is darja asar

sub.h ke rañg bhī kaale nazar aate haiñ mujhe

tere ash.ār bhī shādāb butoñ ke mānind

nāz-o-andāz ke paale nazar aate haiñ mujhe

Leave a Comment