Mahfuz Nahin Zauq-E-Hawas Dast-E-Fana Se

mahfūz nahīñ zauq-e-havas dast-e-fanā se

qudrat ne navāzā hai mohabbat ko baqā se

har harf-e-muqaddas hai haqīqat kā muhāfiz

mansūr hai ma.atūb anal-haq kī sadā se

resham kī tarah narm hai be-shak tirā lahja

ā.īna-e-dil TuuT gayā zarb-e-anā se

duzdīda-nigāhī ne dikhāyā ye karishma

achchhā huā bīmār davā se na duā se

tā-umr satā.egī tujhe merī rifāqat

hai puḳhta mirā rang-e-lahū rañg-e-hinā se

jab itr-fashāñ sair-e-gulistāñ ko vo aa.e

‘sāhil’ mujhe bhejā gayā paiġhām sabā se

Leave a Comment