Poet
lutf rahega ham-nashin zahid ba-vazu bhi hai
aaj ghaTa ke dosh par saaz bhi hai subu bhi hai
pesh-e-nigah-e-muztarib hasil-e-justuju bhi hai
ya.ani vo shoḳh ma.il-e-pursish-e-arzu bhi hai
itr-fashan shamim-e-gul bad-e-saba latif-tar
taza-kun masham-e-jan gesu-e-mushk-bu bhi hai
chang ba-dast nai-ba-lab mutrib-e-dil-navaz bhi
garm-nava chaman chaman ta.ir-e-ḳhush-gulu bhi hai
tujh pe ye raaz munkashif zahid-e-ḳhuld-ju kahan
hasil-e-jannat-nazir alam-e-rang-o-bu bhi hai
Leave a Reply