logo ye ajiib saneha hai
mujh men koi qatl ho raha hai
kis ki hai talash kya bata.en
apna hi vajud kho gaya hai
so.enge azal men ja ke ham sab
duniya to aziim rat-jaga hai
sach ko hai davam is jahan men
mujh se to yahi kaha gaya hai
marna hai yahan bahut ghanimat
jiina to muhal ho chuka hai
dega vo zarur sang mujh ko
jis ne tujhe aa.ina kiya hai
aa.i hai tavil hijr ki shab
ye dil sar-e-sham jal gaya hai
Leave a Reply