log kahte hain ik sada huun main
ḳhair ḳhud hi men gunjta huun main
aankh jaise ka.i daricha hai
aur andar se jhankta huun main
tu ne chaha tha gher le mujh ko
dekh bahon men aa gaya huun main
apne saa.e se puchh leta huun
kya tire saath chal raha huun main
teri baton men ho gaya huun gum
apni avaz kho chuka huun main
is kinare se us kinare tak
apni manzil ko takta huun main
us se ab kya shikayaten hon asar
jis se fariyad kar raha huun main
Leave a Reply