hai jo bhi jaza saza ata ho
hona hai jo aaj barmala ho
us din bhi jo sar pe dhuup chamki
jis din pe bahut farefta ho
us raat bhi niind agar na aa.i
jis raat pe is qadar fida ho
rangon men vahi to rang nikla
jo teri nazar men jach gaya ho
phulon men vahi to phuul Thahra
jo tere salam ko khila ho
ik shaḳhs ḳhuda bana hua hai
kya ho jo yahi mira ḳhuda ho
saugand mujhe ghazal ki ‘gauhar’
main ne jo zaban se kuchh kaha ho
Leave a Reply