Poet
le chuke dil to jang kya hai ab
aa milo phir darang kya hai ab
pi ga.e ḳhum ke ḳhum na ki masti
yaan sharab-e-farang kya hai ab
us nigah ka hai dil jarahat-kash
zaḳhm-e-tegh-o-ḳhadang kya hai ab
huun main dariya-e-ishq ka ghavvas
ḳhauf-e-kam-nahang kya hai ab
diid o va-did to hue baham
sharm ai shoḳh o sang kya hai ab
dil se vahshi ke ta.iin shikar kya
said-e-sher-o-palang kya hai ab
thi jo rusva.i ho chuki ‘bedar’
pas-e-namus-o-nang kya hai ab
Leave a Reply