lapke junun-shi.ar yake-ba.ad-digre
paaya faraz-e-dar yake-ba.ad-digre
lab-basta bastiyon ka phir anjam ye hua
sab ka luTa qarar yake-ba.ad-digre
ye kya ki ahl-e-dil hi ke hisse men aa.e hain
ilzam be-shumar yake-ba.ad-digre
dil ka kamal hai mutazalzal nahin hua
kitne hue hain vaar yake-ba.ad-digre
in mas.alon ne Dhang se jiine kahan diya
sar par rahe savar yake-ba.ad-digre
miTte dikha.i dete hain afsos ai ‘na.im’
achchhe sabhi shi.ar yake-ba.ad-digre
Leave a Reply