Poet
laakh ho maazi daman-gir
mustaqbil ki dekh lakir
sab se mohabbat karna siikh
kah ke gaya kal ek faqir
sab allah ke bande hain
koi nahin duniya men haqir
ahd-e-javani biit gaya
kar ab jiine ki tadbir
kohkan ab bhi zinda hai
la na saka jo ju-e-shir
kaise main us ko sher kahun
jis men na ho koi tasir
dilkash hain kirdar ye sab
laila ho shirin ya hiir
apni qismat aap bana
kyuun hai gila-sanj-e-taqdir
soz-e-darun bhi ne.amat hai
naam usi ka hai iksir
‘soz’ gham-e-janan hi to hai
ahl-e-mohabbat ki jagir
Leave a Reply