Wajid Ali Shah Akhtar
lajyai se nazuk hai ai jaan badan tera
ab chhu nahin sakte ham phula ye chaman tera
ankhen tiri nargis hain rukhsar tire gul hain
chatvata hai honthon ko ye seb-e-zaqan tera
nakhun tire suraj hain aur chand hatheli hai
aina-e-khud-rau hai shaffaf badan tera
dandan tire moti hain khurshid sa matha hai
dur jhadte hain baton men aisa hai dahan tera
us se tujhe nafrat hai ghairon se mohabbat hai
kab bhaega ‘akhtar’ ko ai jaan chalan tera
Leave a Reply