Sufi

Lahu Ki Bund Misl-e-Aina Har Dar Pe Rakkhi Thi

lahu ki buund misl-e-aina har dar pe rakkhi thi

sanad ahl-e-vafa ki lasha-e-be-sar pe rakkhi thi

nigahen vaqt ki kaise nazar-andaz kar detin

asas-e-gulsitan katre hue shahpar pe rakkhi thi

ana majruh ho jaati qadam pichhe agar hatte

bina-e-qurb dohri dhaar ke khanjar pe rakkhi thi

idhar ham sar hatheli par liye maqtal men pahunche the

udhar qatil ne ghabra kar hatheli sar pe rakkhi thi

khudi ki raushni men main ne dekha hai aqidat ko

khudai varna aazar ki miri thokar pe rakkhi thi

khulus-o-mehr ke paani ne thanDa kar diya akhir

jo tum ne aag nafrat ki dil-e-muztar pe rakkhi thi

liya jaata na kaise imtihan-e-zarf ai ‘saqi’

nazar har ek bada-khvar ne saghar pe rakkhi thi

More Poems

Leave a Comment