Krishn Bihari Noor
lafzon ke ye nagine to nikle kamal ke
ghazlon ne ḳhud pahan liye zevar ḳhayal ke
aisa na ho gunah ki daldal men ja phansun
ai meri aarzu mujhe le chal sambhal ke
pichhle janm ki gaḌhi kama.i hai zindagi
sauda jo karna karna bahut dekh-bhal ke
mausam hain do hi ishq ke surat koi bhi ho
hain us ke paas aa.ine hijr-o-visal ke
ab kya hai arth-hin si pustak hai zindagi
jivan se le gaya vo ka.i din nikal ke
yuun zindagi se kaTta raha juḌta bhi raha
bachcha khela.e jaise koi maan uchhal ke
ye taaj ye ajanta elora ke shahkar
afsane se likhe hain uruj-o-zaval ke
Leave a Reply